Sən özün utanmalısan, İlham Əliyev

Sən özün utanmalısan, İlham Əliyev

Rafiq Manaflı

Dünən Qusardan qayıdırdım. Cəmi 5-6 il bundan qabaq istifadəyə verilmiş yolun vəziyyəti ürək ağrıdırdı. 5 il camaatı dağa-daşa, toza-dumana salıb it əzabı verə-verə çəkmişdilər o yolu. Milyadlarla manat pul tökmüşdülər o yola. İndi sökürlər. Sadəcə asfalt ya beton örtüyü qaşımırlar, təməlinə qədər söküb yenidən, sıfırdan yol çəkirlər.
Mingəçevirdə rənglənməsinə 10 ildə 16 milyard dollar pul qoyulan blokların dağılması ölkənin energetik katastrofası idisə, bu yol da infrastruktur katastrofasıdır.
Və heç bir günahkarı da çağırıb ona Azərbaycan məmurları üçün nəzərdə tutulmuş ən ağır cəzanı – “Utanmalısan” cəzasını vermirlər.
Sən özün utanmalısan, İlham Əliyev. Mingəçevir qəzası, Şimal avtomagistralının dağılması, pambıq tarlalarında zəhərlənənlər sənin və üzdəniraq komandanın iqtisadi katastrofasıdır.
Quba, İsmayıllı, Gəncə hadisələrinə baxıb utanmalısan. Onlar sənin təşkilati katastrofandır.
“Postelini düz yığmamısan” deyə insanlara cəza verən məhkəmələrə baxıb utanmalısan, onlar sənin hüquqi katastrofandır.
Taleh Bağırzadəyə, Fuad Qəhrəmanlıya, Seymur Həzi, Fuad Əhmədli, Mehman Hüseynov və digər siyasi məhbuslara baxıb utanmalısan. Gözəl Bayramlıya baxıb yerə girməlisən. Onlar da sənin katastrofandır.

>
  • Zəfər Quliyevin səhhətində problem yaranıb
  • İlham Əliyevin Azərbaycandan və
  • “Bütün siyasi məhbuslar azad edilməlidir”
  • İlqar Məmmədov azadlıqda
  • Məşhur jurnalistə ölkədən çıxmağa yenə imkan
  • Tərtərdə məcburi köçkünlər evlərin rüşvətlə
  • Hakimiyyət xalqı soymaq siyasətində israrlıdır
  • Hökumət növbəti soyğunçuluğa əl atdı
  • Tbilisidə ictimai nəqliyyatdan istifadə neçəyədir?
  • Əli Həsənovun nəvəsi azadlığa buraxıldı