Böyük sarsıntılar yaşanan bölgəmizdə biz nə etməliyik?

Böyük sarsıntılar yaşanan bölgəmizdə biz nə etməliyik?

Bölgəmizdə çox ciddi sarsıntılar yaşanır. Türkiyədə siyasi proses canlanıb və siyasi mənzərə durulmaqdadır. Rusiyanı 50 min nəfəri, az qala Putinə salam verən hər kəsi əhatə edəcək, Rusiya iqtisadiyyatını heç vaxt olmadığı səviyyədə çökdürəcək sanksiyalarla zəif və etkisiz hala gətirirlər. Əslində, Rusiya artıq öz forpostu olan Ermənistanın Avropa Birliyinə inteqrasiyasının qarşısını ala bilməyəcək səviyyədə etkisiz hala gətirilib. İranı- bölgənin ən mühafizəkar dövlətini demokratiya, hüquq, azadlıq şüarlı aksiyalar bürüyüb. Klerikal rejimin xarizması bir daha bərpa olunmayacaq dərəcədə zədələndi.

Bölgəmizin ən güclü və söz sahibi olan bu üç geosiyasi aktorunun köklü siyasi titrəyişlərlə səciyyələnən durumu ölkəmizdə də demokratik dəyişikliklər üçün nəfəslik açır. Digər tərəfdən Azərbaycan məmurlarına qarşı sanksiyalar artıq Konqres və Dövlət Departamenti arasında razılaşdırma mərhələsini keçib və prosesin başlaması düymənin basılmasına bağlıdır. O düymə yanvarda da basıla bilər, martda da. Bunları “Azərbaycanda dəyişikliklər geosiyasi vəziyyyətə bağlıdır” deyənlərin arqumentlərinə qarşı yazıram. Yəni, kifayət qədər münbit geosiyasi şərait hələ yetişməsə də, artıq yetişməkdədir. Odur ki, yeni ilin ilk gününü “Qoy bu il ölkəmizə sevinc, ruzi-bərəkət, xoşbəxtlik gətirsin!” nidası ilə yox, ” Bu il bir millət, bir xalq olaraq əl-ələ verib ölkəmizə demokratiya, ədalət və onların nəticəsi olaraq sevinc, rifah, xoşbəxtlik gətirək!” qətiyyətilə yaşamalıyıq!

Heç bir ölkəyə azadlıq, xoşbəxtlik və rifah çəkmələrini geyinib öz ayaqları ilə gəlməyib. Heç onları xaricdən tutub ölkəmizə gətirən də olmayacaq. Bu ölkəyə azadlığı, ədaləti, demokratiyanı da, onları vəsiləsilə rifahı, sevinci, xoşbəxtliyi də biz özümüz- Azərbaycan vətəndaşları, bu ölkəyə canı ilə, qanı ilə bağlı bizlər gətirməliyik. Bir az zəhmət çəkməliyik, dinc, qanuni vasitələrlə yorulmadan, usanmadan sistemli mübarizə aparmalıyıq və sonda haqqımızı almalıyıq. Bu çətin və şərəfli yolda bizimlə birlikdə varmısınız, dəyərli bacılarım və qardaşlarım?! Cumhuriyyətimizin 100 ilində Vətənimizə yenidən demokratiya, ədalət, azadlıq və rifah gətirməyə hazırmısınız?!

>
  • Azərbaycandakı ət oğruları
  • Baş redaktora verilmiş ittiham yenilənib
  • ABŞ Dövlət Departamenti: “Əfqan Muxtarlını azad
  • İsa Qəmbər xəstəxanaya yerləşdirilib
  • Bu təzyiqlər hələ də davam etməkdədir.
  • Repressiyalar davam edir.
  • Cəbhəçilər yenə polisə aparılıb
  • Gözəl Bayramlı: “Mənə hansı cəzanın verilməsi
  • Alpinistlər hakimiyyətin daha bir biabırçılığını
  • Әli Kәrimli İranda baş verәnlәrә münasibәt