ABŞ-İran razılaşması: Zənginləşdirilmiş uranın taleyi həll olunmur

ABŞ prezidenti Donald Tramp tərəfindən müzakirə edilən ABŞ və İran arasında potensial razılaşma layihəsi Tehranın yüksək zənginləşdirilmiş uran ehtiyatlarından necə imtina edə biləcəyi ilə bağlı əsas məsələni həll etməyib.

Musavat.com xəbər verir ki, məlumatı “The New York Times” qəzeti ABŞ rəsmilərinə istinadən yayıb. Qəzetin məlumatına görə, müzakirə olunan razılaşmanın əsas elementlərindən biri İranın yüksək zənginləşdirilmiş uran ehtiyatlarından necə imtina etmək istəyidir. Lakin razılaşma layihəsi bunun necə baş verəcəyi ilə bağlı "məsələni həll etmir".

The New York Times yazır ki, detalların İranın nüvə proqramı ilə bağlı növbəti danışıqlar mərhələsində müzakirə ediləcəyi gözlənilir.