Dəməşqdə Makronun qaldığı hotelin yaxınlığında partlayış olub, 18 nəfər yaralanıb - YENİLƏNİB-2 - PARTLAYIŞ ANI

Suriyanın paytaxtı Dəməşqdə Turizm Nazirliyinin və Fransa prezidenti Emmanuel Makronun qaldığı hotelin yaxınlığında baş verən iki partlayış nəticəsində 18 nəfər xəsarət alıb.

“SANA” xəbər verir ki, xəsarət alanlardan 4 nəfəri polis əməkdaşıdır.

***

12:06

Suriyada rəsmi səfərdə olan Fransa Prezidenti Emmanuel Makronun qaldığı hotelin yaxınlığında baş vermiş partlayışla bağlı yeni məlumatlar ortaya çıxıb.

"Əl-Hədəs" məlumat yayıb ki, hotelin yaxınlığında partlayıcı quraşdırılmış avtomobil partladılıb.

Məlumata görə, Fransa prezidenti partlayış baş verməzdən az əvvəl həmin ərazini tərk edib.

Hadisədən sonra şəhərdə təhlükəsizlik tədbirləri gücləndirilib, hakimiyyət orqanları Dəməşqin bir sıra yollarını bağlamağa başlayıb.

Partlayış nəticəsində itkilərin olduğu bildirilib.

Hadisə ilə bağlı artıq Fransa tərəfi də açıqlama yayıb. Yeliseydən verilən açıqlamada bildirilir ki, Makron heç bir partlayış səsi eşitməyib.