Heqset İordaniyada həlak olan hərbçilərdən yazdı

Amerikalı hərbçilərin İordaniyada İran hücumunu dəf edərkən ölümü ABŞ-ın qətiyyətini artırır.

Hurriyyet.info xəbər verir ki, bunu Pentaqon rəhbəri Pit Heqset X hesabında qeyd edib: "Onların fədakarlığı yalnız qətiyyətimizi gücləndirəcək".
Qeyd edək ki, ABŞ-ın Yaxın Şərqdəki Mərkəzi Komandanlığı (CENTCOM) 17 iyulda İordaniyada iki hərbçinin İranın raket və dron hücumlarını dəf edərkən həlak olduğuna dair məlumat yayıb. Hazırda daha bir hərbçi itkin düşmüş kimi siyahıya alınıb. Daha dörd hərbçi İordaniya xəstəxanalarında qısa müalicədən sonra xidmətə qayıdıb.

İranla münaqişə başlanandan bəri 16 amerikalı hərbçi həlak olub, 400-dən çoxu yaralanıb.