Hüseyn Məmmədova vəzifə verildi

Hüseyn Məmmədov Azərbaycan Qida Təhlükəsizliyi Agentliyinin (AQTA) Strateji planlaşdırma, koordinasiya və icraya nəzarət şöbəsinin müdiri vəzifəsinə təyin edilib.

Hurriyyet.info  Bizim.media-ya istinadən xəbər verir ki, bununla bağlı AQTA sədri Qoşqar Təhməzli müvafiq əmr imzalayıb.

Bildirilib ki, Hüseyn Məmmədov bu təyinata qədər Azərbaycan Qida Təhlükəsizliyi İnstitutunun (AQTİ) İdarə Heyəti sədrinin müşaviri vəzifəsində fəaliyyət göstərib. Qeyd edək ki, H.Məmmədov müxtəlif dövrlərdə turizm sahəsində və ictimai sektorda rəhbər vəzifələrdə çalışıb.