Peskovdan Ankaradakı NATO sammiti ilə bağlı İLGİNC AÇIQLAMA

Rusiya Prezidentinin mətbuat katibi Dmitri Peskov Ankarada keçirilən NATO sammiti ilə bağlı Moskvannın mövqeyini açıqlayıb.

Hurriyyet.info xəbər verir ki, o bildirib ki, Rusiya tərəfi sammitin hazırlıq mərhələsində səslənən bəyanatları diqqətlə izləyir və forumdan daxil olan bütün məlumatları monitorinq edəcək.

Peskov sammit ərəfəsində Rusiya ilə bağlı çoxlu sayda bəyanatın səsləndiyini qeyd edərək, təəssüf hissi ilə bildirib ki, bu açıqlamalar konstruktiv əməkdaşlıq və dialoqdan daha çox konfrontasiya xarakteri daşıyır.

Mətbuat katibi əlavə edib ki, Moskva sammitin yekununda qəbul ediləcək sənədləri, veriləcək bəyanatları, həmçinin sammit çərçivəsində baş tutacaq ikitərəfli görüşlərdə nələrin deyiləcəyini müşahidə edəcək.